Lúa na biblio de Coiro, en Cangas

Hoxe na biblioteca de Coiro, en Cangas, Lúa e máis eu estivemos moi ben acompañadas. Contamos e divertímonos moitísimo.

Grazas a todas e a todos!!!

U-la Lúa en Oleiros

Na biblioteca Manuel María de Oleiros moi ben o pasamos con Lúa e as súas aventuras!!!! A hora do conto mola moito

"Gale, a Historia da Lingua" en Entrimo

 

En Portosín con Lúa

Moi ben o pasamos hoxe na Casa da Cultura de Portosín con Lúa!!!

Fin de Curso no CPI de Pontecesures!!

Despedimos o curso cos nosos "Libros da Titiriteira" no CPI de Pontecesures para que a lectura nos acompañe durante todo o verán, con historias de aventuras, fábulas ou contos populares. Que teñades unhas moi boas vacacións!!

Volvemos a Barro contando con Lúa!

Unha vez máis, no CEIP Amor Ruibal de Barro me acolleron cos brazos abertos e moitísimo agarimo. Todo o alumnado de primaria puido gozar co conto de Lúa. Levounos dous días, pero foi fantástico!

"U-la Lúa?" en Porto do Son

E no EEI de Seráns, en Porto do Son, a nosa Lúa fixo 8 estupendas amigas e amigos! E se chove... que chova!!!

Contando no CEIP Xosé Mª Brea Segade

 Hoxe volvín á biblioteca do CEIP Xosé Mª Brea Segade de Rianxo, desta vez con "U-la Lúa?" e que ben o pasamos!!!

Cos Libros da Titiriteira en Sabaxáns

E voltei a sacar os meus "Libros da Titiriteira" para desfrutar coas miñas veciñas e veciños de Sabaxáns, en Brión. Na Escola Infantil recibíronme unha vez máis cos brazos ben abertos e pasámolo en grande!

Feliz día das Letras Galegas!!! Dende Valdoviño

Hoxe é un día ben especial! O das nosas letras. E aquí, en Valdoviño, celebrámolo ao grande, con Gale e todas as súas amigas e amigos, que cada vez son máis. Grazas a todas e todos!!!

Contando pola Lingua en Mazaricos

Continuamos con "Gale, a Historia da Lingua". Desta vez na Casa da Cultura de Mazaricos, na Picota, onde a nosa protagonista se sentiu moi a gusto e a súa luz alumeaba ben intensa...

No Centro Cultural Lustres Rivas

Fermosa sesión hoxe en Ribeira!!! 

E todo grazas ao servizo de bibliotecas e normalización lingüística do concello por manter viva a actividade cultural nos tempos que corren. Ben falta que fai!

Gale, a Historia da Lingua

Hoxe en Lousame retomei "Gale, a Historia da Lingua" despois de un tempiño parada e o sol saíu... Foi emocionante, e gozámolo moito.

Celebrando o día mundial do teatro

E celebro este día mundial do teatro como mellor sei, contando e xogando enriba do escenario cos meus monicreques! E tocou na Biblioteca Ánxel Casal de Santiago, un pracer!!!

U-la Lúa? na Biblioteca Pública de Lugo

Unha tarde máis contando pola igualdade con "U-la Lúa?" ante un público marabilloso, desta vez na Biblioteca Pública de Lugo. Grazas!

Lúa nun lugar máxico de Cambre

Hoxe actuamos nun lugar máxico! Unha escoliña de Cambre que ten un espazo marabilloso ao aire libre.

Grazas ao EEI San Bartolomeu. Lúa estivo na súa salsa!

Actuacións pola igualdade en Cambados

 

Porque hai colexios que seguen a apostar polas actuacións presenciais, aquí estamos, reivindicando que a cultura sempre foi e segue a ser segura.

Moitísimas grazas ao CEIP San Tomé de Cambados por recibirnos tan agarimosamente. E volveremos!