Lúa na Pobra do Caramiñal

Aquí estivemos Lúa e máis eu! Na Biblioteca da Casa do Mar da Pobra do Caramiñal para compartir con todas e todos a súa marabillosa historia. Volveremos!

Marramiauuu - Forcarei

Moito miañamos e ouveamos cos contos de "Cantamos?" no CEIP Nosa Señora das Dores de Forcarei. E tamén bailamos e cantamos, por suposto! Todo na biblioteca, celebrando o día das bibliotecas.

CEIP Virxe da Saleta de Cea

 
No CEIP Virxe da Saleta de Cea si que saben o que é divertirse!!! Moitas xa coñecían as historias e cancións de "Cantamos?" e desfrutamos delas a tope. 

Volvemos a Lourenzá!

De volta en Lourenzá! E desta vez co conto de Lúa. Que gusto dá reencontrarme coas nenas e nenos para as que contei outras veces e que se lembran de cada historia e imaxe que compartimos! 

Gale, a historia da Lingua

 "Gale, a historia da Lingua" contada e representada para a rapazada da Cañiza. Da gusto escoitar tantas palabras na lingua de Gale. Así seguro que a súa luz non se apagará!

Bibliotequeando en Arteixo

Seguimos coas actuacións de Ler Conta Moito en bibliotecas! Desta vez en Arteixo con "Ula Lúa?" na categoría de Igualdade. E ben que o pasamos coas aventuras desta gatiña...

U-la Lúa? En Negreira!

Canto agarimo recibimos Lúa e máis eu no Centro Sociocultural de Negreira. Encantada de ter contado alí esta tarde!